熊小館

营业中

休息中

呢日同大大细细去MegaBox行街，行行吓佢哋当然话肚饿，要食吓下午茶！于是我哋选择咗呢间亲子餐厅食个下午茶。呢间餐厅如其名，有好多熊熊公仔同摆设，细细一入到去就尖叫，揽住啲熊熊公仔，非常开心。餐厅又有个玩乐区，佢哋都入咗去玩，放下电，俾少少时间，我哋大人唞吓🤭玩够先至开始食嘢。烧汁香蒜烟肉焗去骨鸡腿饭连餐汤面包去骨鸡腿，啲肉多到好似鸡扒咁，肉质嫩滑又入味，配埋烟肉同烧汁食，个饭又香又惹味。不得不提𠮶餐汤同面包，餐汤热辣辣送来，非常香滑，饮完好暖胃。面包焗得非常香脆，加埋香蒜酱焗，咬落脆卜卜，十分美味。金砖西多士呢个西多士令你食唔停口，炸得外脆内软，而且好贴心咁切开一嚿嚿，味道又唔太甜，小朋友都食得，我哋一家都好钟意食。