影片
更多
2024-05-07
654 浏览
话说已有十多年没到Cafe Too食自助餐，难得有人吹鸡，一呼百应，齐齐渡过Happy Friday。先总结一句，食物款式仍然多，水准依旧地高。嚟紧母亲节父亲节，甚或是佛诞假期，我决定同屋企人再来一次。唔打算系度花一万几千字逐款食物介绍，重点讲些我认为值得推介的项目吧！海鲜绝对是强项之一，冰海鲜是基本，仲有蒸海鲜。龙虾有清蒸同埋蒜茸蒸，用料新鲜，若然你系海鲜迷，胃口又够大的话，建议你两款都试，自行作个比较。蒸龙虾吸引，但我觉得更加精彩的是蒸大头虾，只只肉爽甜鲜，尤其是虾头，大啖吮下去，爽皮！冻海鲜既话，冻虾、蟹脚、花蟹、翡翠虾及蚬等，一应俱全，其实食完蒸龙虾蒸大头虾，再吃点冻海鲜，已饱了一截。然而，海鲜环节其实未完，因为海虾呀，鱼呀等等，还可以拿给师傅，即场表演铁板烧，火光熊熊，香喷喷，视觉味觉及嗅觉三重享受。未完未完，热荤仲有唔少海鲜，包括惹味的豉椒炒蚬、辣酒煮花螺等，要提一提佢既小炒皇，大虾、鱿鱼须和韭菜花，炒得宁舍吸引，直头要encore。海鲜以外，还有其他好嘢。烧味当然有油鸡、叉烧等，但更值得品尝，是烧鹅，因为是与米芝莲星级食府一乐合作。食自助餐可以任食埋名店烧鹅，仲想点?刺身
话说已有十多年没到Cafe Too食自助餐，难得有人吹鸡，一呼百应，齐齐渡过Happy Friday。先总结一句，食物款式仍然多，水准依旧地高。嚟紧母亲节父亲节，甚或是佛诞假期，我决定同屋企人再来一次。
唔打算系度花一万几千字逐款食物介绍，重点讲些我认为值得推介的项目吧！
海鲜绝对是强项之一，冰海鲜是基本，仲有蒸海鲜。龙虾有清蒸同埋蒜茸蒸，用料新鲜，若然你系海鲜迷，胃口又够大的话，建议你两款都试，自行作个比较。
蒸龙虾吸引，但我觉得更加精彩的是蒸大头虾，只只肉爽甜鲜，尤其是虾头，大啖吮下去，爽皮！
冻海鲜既话，冻虾、蟹脚、花蟹、翡翠虾及蚬等，一应俱全，其实食完蒸龙虾蒸大头虾，再吃点冻海鲜，已饱了一截。
然而，海鲜环节其实未完，因为海虾呀，鱼呀等等，还可以拿给师傅，即场表演铁板烧，火光熊熊，香喷喷，视觉味觉及嗅觉三重享受。
未完未完，热荤仲有唔少海鲜，包括惹味的豉椒炒蚬、辣酒煮花螺等，要提一提佢既小炒皇，大虾、鱿鱼须和韭菜花，炒得宁舍吸引，直头要encore。
海鲜以外，还有其他好嘢。烧味当然有油鸡、叉烧等，但更值得品尝，是烧鹅，因为是与米芝莲星级食府一乐合作。食自助餐可以任食埋名店烧鹅，仲想点?
刺身寿司间间酒店自助餐都有，不过呢度都系升级版，因为有供应蓝鳍吞拿，真系唔嘢少。
个人而言，几中意食点心，就算是自助餐的出品，我都总会试几粒。估唔到佢虾饺同埋烧卖都咁食得过。
我会说，甜品系呢度既另一强项。款式多、卖相靓之余，总体味道都好唔错，法式蛋糕的选择尤其丰富。
叮叮叮叮...！ 听到叮叮声响，就是要提大家出来拎的甜品，火焰雪山，师傅即场做出火焰效果，俾大家影相拍片，之后梗要乖乖排队，拿一件回去细味。
夹饼与鸡蛋仔，是千祈千祁唔可以错过的，因为是与我最最最喜欢的品牌低调高手合作。要时刻望实，一有新鲜整好，即刻攞番底，无得输。
讲多句，佢既鸡蛋仔，有原味以及咸蛋黄口味，个人认为，后者更加优胜。
果汁柠茶等饮料请自便，要讲讲，呢度仲有珍珠奶茶，认真夸张。
张贴
