大排檔小炒 (華發大廈)

营业中

休息中

一路都好钟意食大排档野，不过有时真系怕要坐环境卫生差嘅地方🙈，最近黎到呢间铜锣湾嘅地铺，环境坐得舒舒服服，干净企理，食物仲食到大排档嘅风味，全部热辣辣，好有镬气😍相信呢度会成为饭堂之一！必食推介：「金牌腊味煲仔饭」绝对系我食过最好嘅煲仔饭！腊味系切粒上，米饭粒粒分明而且索晒腊味香，仲有脆卜卜嘅饭焦！用煲上嘅「辣酒煮花螺」，捞匀嘅时候仲会听到吱吱声好治愈，呢度同外面嘅煮法有啲唔同，酱汁比较干身，但每粒花螺都挂满酱汁，唔会煮得过韧，而且越食越辣，好过瘾！「拔丝咕噜肉」酸甜味刚好，拉起上黎仲一丝丝，小朋友狂赞追住食！「小炒皇」韮菜花新鲜爽脆，特别欣赏佢加咗炸脆嘅土鱿，咬起上黎每啖都好丰富！