添添

营业中

休息中

新开茶记，平日晚市都唔少人，晚餐选择多，有12个，睇都要啲时间😅。一睇到鱼就想食，因为屋企少整🙈，有乌头，马友。见系双柠蒸元朗乌头，特别想试。🍽️是日晚餐：🐟双柠蒸元朗乌头 $88劲大条，双柠系咸柠+鲜柠，好清香。乌头一啲泥味都无，肉质结实唔韧，腩位软滑油香，啲汁有淡淡生果味，少少甜，唔小心捞左饭🤤。🐔蜜椒薯角鸡中翼 $88名堂较普通，似西式，点知食落好有水准。鸡翼即炸，蜜汁甜度刚好，配上黑椒嘅香，完全唔腻。每旧薯角都沾满汁，正。茶记特色系快，乌头一到就顾住食鱼，到尾先食埋啲鸡翼仲好脆，真心好食。🥦西兰炒花牛柳 $88卖相同酒楼一样😯，老细话厨房之前系酒楼做，唔怪得摆盘咁睇得啦。可能双柠太鲜，牛柳被比下去😆。🍹冻柠茶少冰少甜+$3好耐无饮过甜度啱茶浓柠香都咁平衡嘅冻柠茶，可能形容得夸左啲，但真心好饮。🍹冻奶茶少冰少甜+$3茶够浓，甜度啱，不错。如果想饮奶香滑，我谂热饮会更好饮。🌟食食下发现斜对面有间同名两𩠌饭劲多人排队，好奇下问姐姐，佢话都系佢地㗎，最好食系鸡翼，下次加𩠌可以靠佢啦👍🏻。