濠客蒸氣海鮮 (已結業)

朋友邀请我入去元朗食蒸气海鲜火锅，话海鲜够新鲜，又唔算贵，所以今日收工特登入左去。呢到又几个唔同set，由298/位起跳，价钱都可接受。座位宽阔，都坐得几舒服。入座后，店员会帮我地开始蒸碗筷消毒，感觉几安全同放心。我地既黄金套餐已经超丰富，仲有个粥底，望到都觉得正！一人有半边龙虾，一只奄仔蟹，仲有其他贝类，劲吸引。龙虾都几大只，肉弹牙，好新鲜同鲜甜，啖啖肉！奄仔蟹我地两只一齐share食，其中一只劲多蟹膏，劲香劲好食！另一只就比较水，肉质比较滑，各有各好食！带子，虾，贵妃蚌同新鲜青口正常发挥～鲍鱼大大只，一啲都唔悭皮，清蒸就最食得出佢既鲜甜，而且又系十分新鲜弹牙！跟餐仲有一份杂菜，我地都真系第一次食蒸既菜，南瓜咁样食原来都好甜同好淋～最后就系一路系个底熬紧既粥底，有面本身有啲瑶柱，南瓜，店员仲拎左啲莞茜，菜甫同葱比我地加落粥到食。呢种粥比较类似潮洲粥，唔系完全绵滑，而系食到粒粒好软既饭粒既粥，简单得黎带有海鲜既鲜味同南瓜既甜味！