影片
更多
2023-04-09
37 浏览
我最近去了一家以凡高主题的餐厅食野，一入到门口已经感受到个艺术气息。呢到既环境和氛围非常有feel，餐厅的餐垫上印有名画，还有音乐，非常特别，系一个独特既体验。首先想赞一赞啲侍应非常nice，成日会过黎询问我地有咩需要，推荐招牌菜单，还会认真整理台面，餐厅老板仲亲自过来同客人吹水，讲解menu同场埋餐厅历史等，感觉好温馨。今晚我地两个人去，听咗佢地既推荐，叫咗个M7和牛餐同埋晚餐C 海鲜饭。前菜上咗个带子塔和鲜虾，带子煎得非常香脆内软，搭配青酱非常合适，塔是用烟熏三文鱼砌成，不但止有果种独特既烟熏味，又唔会好似坊间大多数咁好咸，加上入面包住啲奶油芝士，令到成件事平衡番，味道非常适中，估唔到前菜已经有惊喜。另外，仲有黑松露蛋饼，上面覆盖著黑松露味道既蛋，好有层次感同口感，个感觉几新鲜。餐汤方面建议转番个蘑菇汤，第一啖饮落去无乜野啦，过咗几秒后就黎料，有个after taste。试到浓浓既蘑菇味， 应该系有好多材料整成， 饮落去个伙粒感好重，但个忌廉又会提番个味出黎，加番啲层次感，唔会令到成碗汤都系草味， 系几浓郁几好饮。 但个罗宋汤就偏淡味，不太建议。餐包有两只，一只黑芝麻，一只whea
首先想赞一赞啲侍应非常nice，成日会过黎询问我地有咩需要，推荐招牌菜单，还会认真整理台面，餐厅老板仲亲自过来同客人吹水，讲解menu同场埋餐厅历史等，感觉好温馨。
今晚我地两个人去，听咗佢地既推荐，叫咗个M7和牛餐同埋晚餐C 海鲜饭。
前菜上咗个带子塔和鲜虾，带子煎得非常香脆内软，搭配青酱非常合适，塔是用烟熏三文鱼砌成，不但止有果种独特既烟熏味，又唔会好似坊间大多数咁好咸，加上入面包住啲奶油芝士，令到成件事平衡番，味道非常适中，估唔到前菜已经有惊喜。另外，仲有黑松露蛋饼，上面覆盖著黑松露味道既蛋，好有层次感同口感，个感觉几新鲜。
餐汤方面建议转番个蘑菇汤，第一啖饮落去无乜野啦，过咗几秒后就黎料，有个after taste。试到浓浓既蘑菇味， 应该系有好多材料整成， 饮落去个伙粒感好重，但个忌廉又会提番个味出黎，加番啲层次感，唔会令到成碗汤都系草味， 系几浓郁几好饮。 但个罗宋汤就偏淡味，不太建议。餐包有两只，一只黑芝麻，一只wheat bread。 Wheat bread 果个真系少癫，新鲜热辣辣出黎，外脆内软，少少麻糬波波既feel。
主菜方面，M7和牛系今晚既MVP，对得住佢既价钱。和牛肉质柔软，啖啖都好有咬口，但又唔会好难咬开，因为佢唔系好多脂肪横间既部位，唔系话入口即溶，但口感仍然非常好，又无乜油腻感，我个人更偏好呢种肉感。牛味几浓郁，试得出系和牛既味道，酱汁一开始以为系烧汁，但原来入面加咗黑松露酱，十分惊喜。配菜方面有牛油果青酱薯条和烤蔬菜，口感非常不错，烤焗完后既菜咬落去会爆番啲汁令到成年事清爽番。海鲜饭就不过不失，带子同虾比前菜既更有香味同鲜味。
最后是甜品，他们既蕉糖炖蛋同泡芙都几好吃。炖蛋几细嫩，但味道方面唔算太出色，系正常水平。反而泡芙入面系抹茶味，有啲惊喜，佢雪冻咗之后个口感少似雪糕，个靓位系佢中和番cream既油腻感同士多啤梨既酸味，令到呢粒野达至一个究极既平衡。
总体嚟讲成餐都好满意，必定会再返嚟食！多讥!
张贴
