港原味 (已搬遷) 新店位置

朋友喺呢头住，佢约我食晚饭，佢话带我去一个打卡好地方，原来就系呢个有好多香港地方特色壁画嘅餐厅😆。我哋叫咗个$198嘅二人套餐，可以系餐牌度任拣两款小菜，仲包两个白饭、例汤、一个芝士焗蟹盖、同埋饮品，几抵。例汤先上，用个炖盅装住，卖相几靓，好似系青红萝卜煲猪骨，几好味😋。小菜我哋就拣咗「豉椒蒸排骨」同「黄金虾」。呢碟排骨都算几多肉，用豆豉同红椒捞埋嚟蒸，简单得来几惹味；黄金虾被薄薄嘅脆浆包住，表面仲沾满热溶咗嘅咸蛋黄，非常香口好味😋。焗酿蟹盖上边系芝士入边系薯蓉，几好食😋。我哋不约而同都叫咗热杏霜，唔系好甜热辣辣几好饮😋。我仲赞闺蜜带咗我嚟呢间抵食又好食嘅餐厅，不过我冇话俾佢知嘅系，其实我之前已经嚟过😆。