影片
更多
2021-10-24
785 浏览
朋友准备离开香港，我同佢食返餐好嘅欢送佢🥲，佢拣咗位于D2 Place地下嘅「Rustico」。好彩我有订定枱，实在估唔到平日晚上都咁爆场，可能因为有消费券嘅关系啦。餐厅环境靓就唔使多讲，我仲记得有唔少电视剧都会嚟呢度取景📺，哈哈。我哋获安排坐喺高枱，空间感佳，但可惜枱面就比较细。不过都唔使担心嘅，因为店员会将菜式逐一送上。脆炸鳕鱼球配蜜糖泡沫($98)，🐟鳕鱼球一客有六粒，外层炸至金黄香脆，并唔油腻。鳕鱼化身成球状，几特别，鱼肉鲜甜，肉质细嫩。碟中间嘅泡沫系蜜糖口味🍯，甜甜哋，就好似酱一样咁俾人沾嚟食，但就轻盈好多。菜式设计新颖，令人印象深刻。传统烤焗多士、西班牙有机小蕃茄、香蒜及初榨橄榄油($48)，依个Tapas要落手DIY整嚟食，先可享最佳滋味。🍞薄脆多士有两大片，并配以蕃茄、蒜头同橄榄油一齐食，简单美味，但蕃茄同蒜头要靠自己压碎。多士同手掌面积差唔多大，食一块都几饱。西班牙烩牛肚鹰嘴豆辣肉肠酱汁($138)，牛肚正呀喂🐮，佢经常出现喺潮州粉面店，但原来亦系其中一道西班牙传统菜肴嘅食材。牛肚炆得够稔，不过同时亦保持弹性，而且蜂巢形状令佢非常挂汁。酱汁有啲似牛尾罗宋汤🍅，微微酸几
朋友准备离开香港，我同佢食返餐好嘅欢送佢🥲，佢拣咗位于D2 Place地下嘅「Rustico」。好彩我有订定枱，实在估唔到平日晚上都咁爆场，可能因为有消费券嘅关系啦。
餐厅环境靓就唔使多讲，我仲记得有唔少电视剧都会嚟呢度取景📺，哈哈。我哋获安排坐喺高枱，空间感佳，但可惜枱面就比较细。不过都唔使担心嘅，因为店员会将菜式逐一送上。
脆炸鳕鱼球配蜜糖泡沫
$98
35 浏览
0 赞好
0 留言
传统烤焗多士、西班牙有机小蕃茄、香蒜及初榨橄榄油
$48
13 浏览
0 赞好
0 留言
西班牙烩牛肚鹰嘴豆辣肉肠酱汁
$138
36 浏览
1 赞好
0 留言
招牌西班牙黑毛猪海鲜饭
$228
22 浏览
1 赞好
0 留言
香烤黑毛猪什锦拼盘配扒田园蔬菜($338)，猪，全部都系猪🐷！拼盘大到差啲唔够位放上枱面，好有气势。三款猪涵盖唔同部位，包括猪肩肉、猪脊肉同埋胛心肉，几款肉喺质感同油脂分布上都略有不同。个人认为中间嘅胛心肉最正，皆因佢最肥美，而且经烧烤后，脂肪位带点微脆。整体味道唔错，但略嫌盐粒落得重手咗少少。猪肉以外，拼盘仲配以各式田园蔬菜🥦，例如有白芦笋、新薯、茄子、翠玉瓜、椰菜仔同三色椒等，好丰富啊。
传统西班牙Churro炸脆条伴朱古力慕丝($65)，西班牙油炸鬼老是常出现🤣。佢哋每条都炸得好脆，而外围就蘸咗唔少砂糖同玉桂粉。伴旁仲有一杯朱古力慕丝🍫，质感偏稀，不过朱古力味就好鬼香。
饮品方面，我哋要咗一红一白西班牙水果酒Sangria($88/杯)🍷，佢以汽水杯装住，所以容量比一般多。我哋估唔到佢嘅酒味都几重，饮佢都饮到有啲醉醺醺😳。个人认为白酒𠮶杯较易入口。
总括嚟讲，Rustico水准不俗👍，难怪朋友临别香港前都点名要嚟呢度食饭。餐厅定价属中高水平，不过佢绝对对得住个价钱，亦令你能大饱口福。我好开心又发掘多咗一间高质西班牙餐厅喇🇪🇸！
张贴
