Mela Italian & Spanish Cuisine (已搬遷) 新店位置

餐厅以橙色同红色色调为主，装修带欧陆风，坐得舒服。睇个menu都几多选择，有意粉饭、pizza、扒餐、沙律小食同甜品等。西班牙海鲜饭 - 好足料，有蚬、鱿鱼、海虾，鱿鱼同虾弹牙爽口，蚬肉鲜甜。啲饭煮得啱啱好：唔会话太湿或太干，海鲜味几浓。Four Cheese Pizza - Pizza 系餐厅自家制，饼底薄脆，批面铺满香软芝士，淡味浓味芝士一次过食到，每一块都拉晒丝咁，简简单单已经好滋味。西班牙式烤焗乳猪配黑松露汁+苹果酱 - 乳猪制作需时，要30 分钟，所以耐心等下。乳猪厚身，外皮好香脆，中间有一层薄薄嘅肥膏，肉质嫩滑，肉汁丰富，好甘香但又唔会话好肥腻埋。配埋特制的黑松露汁和苹果酱食用，忍唔住一啖接一啖。