El Cerdo (大壩街) (已結業)

新年后放宽晚市堂食，即刻约朋友食饭。直接用OpenRice app订枱，非常方便，仲送咗25 Asia Miles 。一行三人叫咗$880晚市二人套餐。侍应好细心，将二人份量嘅汤分咗三碗俾我哋。味道非常好！我哋仲叫咗西班牙菜必备嘅 Sangria，味道唔错，但系好似好难喺香港饮得返西班牙嘅味道。跟住有60个月嘅火腿，食落非常香口，份量好大，净系食火腿都已经有六成饱。侍应好细心，按住我哋食完嘅 Course ，先再慢慢上菜。Pork Belly相当有惊喜，每一片都烤到非常脆口，但食落又唔太油腻。原味薯仔蛋饼好足料，呢一个味道非常接近系西班牙食到嘅。另一个主菜拣咗带子，侍应提醒我哋要一次过将带子同 Pork Belly放入口食，完全冇谂过两样嘢会咁夹。牛扒配沙律同埋炸薯仔粒。炸薯仔粒有香料，食落好特别。牛扒煎得啱啱好，好软熟。西班牙菜必备嘅西班牙炒饭。真系落足海鲜去炒嘅饭，每一啖都有丰富嘅材料。最后，有甜品结尾。西班牙炸油条配朱古力酱，呢一个朱古力酱同系西班牙食𠮶一种一样咁浓，相当回味！