影片
更多
2024-12-04
829 浏览
🍴高质西餐厅今日专程去咗中环嘅NEW YORK CUT庆祝结婚周年纪念日，咁O岩呢间餐厅最近庆祝开业一周年，推出咗期间限定嘅周年Menu，仲有超级吸引嘅晚市优惠——四人同行有一人免费(即买四送一)！无论系周一至日嘅Dinner定Weekend Brunch，价钱都平到令人难以置信，平时一份牛扒嘅价钱，依家已经可以享用整个高质餐单！优惠会持续至明年2月中，真系要趁机快啲book位！听经理介绍Weekend Brunch，牛扒竟然可以 任食，下次一定要试下！🍞 Black Sesame Baguette & Focaccia单系面包已经好有诚意！法包外皮薄脆，内里松软，令人一试难忘；佛卡夏亦充满香草气息，暖笠笠地送上，推介点埋佢嘅蒜油，味道更升一级！🍈 Parma Ham and Melon帕尔马火腿咸香浓郁，切片薄易入口，配埋清甜多汁嘅蜜瓜一齐食，咸甜平衡得宜，入口即化，瞬间消解咗火腿嘅油腻感，系一道清新又高雅嘅前菜。🍳 Pan-Seared Foie Gras鹅肝煎得外脆内嫩，厚薄度啱啱好，入口即溶，配埋甜美嘅无花果，味道平衡得非常好。底部嘅多士亦系亮点，香脆而不过硬，承托住鹅肝嘅油香
今日专程去咗中环嘅NEW YORK CUT庆祝结婚周年纪念日，咁O岩呢间餐厅最近庆祝开业一周年，推出咗期间限定嘅周年Menu，仲有超级吸引嘅晚市优惠——四人同行有一人免费(即买四送一)！无论系周一至日嘅Dinner定Weekend Brunch，价钱都平到令人难以置信，平时一份牛扒嘅价钱，依家已经可以享用整个高质餐单！优惠会持续至明年2月中，真系要趁机快啲book位！听经理介绍Weekend Brunch，牛扒竟然可以 任食，下次一定要试下！
🍞 Black Sesame Baguette & Focaccia
单系面包已经好有诚意！法包外皮薄脆，内里松软，令人一试难忘；佛卡夏亦充满香草气息，暖笠笠地送上，推介点埋佢嘅蒜油，味道更升一级！
🍈 Parma Ham and Melon
帕尔马火腿咸香浓郁，切片薄易入口，配埋清甜多汁嘅蜜瓜一齐食，咸甜平衡得宜，入口即化，瞬间消解咗火腿嘅油腻感，系一道清新又高雅嘅前菜。
🍳 Pan-Seared Foie Gras
鹅肝煎得外脆内嫩，厚薄度啱啱好，入口即溶，配埋甜美嘅无花果，味道平衡得非常好。底部嘅多士亦系亮点，香脆而不过硬，承托住鹅肝嘅油香，真系好好味!
🦀 Signature Crab Crepe
呢道菜绝对系招牌推介！蟹肉鲜甜多汁，夹埋鱼籽嘅咸香同法式薄饼皮嘅软糯，层次感极丰富。蟹肉仲加咗啲忌廉奶香，入口浓郁而不腻，一啖接一啖食唔停。
🍚 Spanish Sausage Risotto
烩饭煮得粒粒分明，Creamy得嚟又唔会过腻，米饭嘅咬口恰到好处，食感非常舒适。西班牙香肠仲带有少少辛辣，为整道菜增添咗一份独特嘅层次，非常惹味!
🥩 Australian Wagyu Grass-Fed Sirloin (Medium)
西冷扒厚身，肉质细致且带嚼劲，油脂分布均匀，松露蘑菇酱更加提升咗牛扒嘅香气。五分熟火候控制得非常好，肉汁锁得住，食落啖啖香浓，极为满足！
🐖 US Kurobuta Pork Collar
猪梅扒油脂比例完美，肉质鲜嫩多汁，厚切得嚟又唔会过韧，入口即化嘅油香好正!
🍰 NYC Dessert Platter
最后嘅甜品拼盘诚意十足，包括三款经典选择：New York芝士蛋糕、提拉米苏同杂莓奶冻，每款都十分精致，芝士蛋糕浓郁幼滑，提拉米苏松软香甜，而奶冻则带有微酸嘅莓果香气，好满意!
🍷 Wine Pairing
餐厅亦提供精心设计嘅酒配搭：前菜配甜身白酒，适合衬托清新的菜式；到烩饭则换上酸度稍高嘅白酒平衡Creamy口感；而牛扒主角则配红酒，浓郁嘅酒香完美衬托出牛扒嘅肉香。另外，餐厅后有一间环境超靓嘅小酒吧，非常适合和朋友饮下酒倾吓偈
张贴
