Forkers (已搬遷) 新店位置

黎土瓜湾探朋友,佢带左我黎呢间食西餐。从食品感觉到呢间小店好用心。第1道我地叫左PARMA HAM加法包,PARMA HAM既油脂令我食指大动,法包上有D OLIVE OIL,好好味。跟住就有是日餐汤同大虾浓汤,可以用大虾系个汤到搅拌下先,等大虾吸收左汤既精华先再饮汤,系极致既享受。跟住就有黑松露薯条,好香既黑松露加埋即炸既FRENCH FRIES,超正!沙律都好FRESH,仲加埋SAUCE上比我地,仲可以任加。之后就有个主菜,系牛肩加SALSA SAUCE,牛肩好有肉味,唔需要CUT得太细,大啖D食真系食到肉味,个SALSA SAUCE带酸,可先吃肉再点SAUCE,咁就试到两只味。个银雪鱼个皮煎到好脆,系精华。鱼肉好幼嫩,唔多调味,食到最自然既味,有蛋黄汁,有创意!甜品朋友叫左个CHEESE BOARD,有3款唔同口味既CHEESE,加配EARL GREY TEA,好特别。我就叫左个CHEESE CAKE,真系大满足。