Vision 8

虽然餐厅唔算好大，但位置方便，而且环境舒适，唔会太嘈，几适合同朋友或者另一半慢慢叹餐饭！ 首先系法国生蚝～我哋叫咗Krystale水晶同Lambertft林宝，两款都好新鲜，海水味啱啱好，Krystale比较creamy，入口即溶，Lambertft就爽口啲，钟意食爽口嘅朋友可以试吓。🦪🦪🦪 跟住系餐包同周打蚬汤，餐包暖烘烘，外脆内软，沾埋黑松露牛油，一流！周打蚬汤都好足料，蚬肉鲜甜，汤底浓郁，暖胃又开胃。 主菜我哋叫咗香煎比目鱼配菠菜忌廉汁烩天使面，比目鱼煎得恰到好处，外脆内嫩，鱼肉鲜滑，菠菜忌廉汁唔会太腻，同天使面嘅配搭非常夹！ 最后系5成熟烤安格斯牛柳（9oz）配香煎鹅肝配芥末汁，牛柳烤得啱啱好，五成熟左右，肉质嫩滑多汁，充满牛嘅香味，鹅肝煎得香脆，入口即溶，配埋芥末汁，味道更上一层楼！