影片
更多
2022-07-26
123 浏览
第一次食呢间楼上顺德私房菜，超高水准超高质，好味之余，价钱相宜，最紧要感受到老板同师傅对每一道菜嘅用心，一定会回头再帮衬！我地叫左个二人餐，真心讲两个人食份量偏多，已经净系叫左一碗白饭share，都食到好饱。名门二人杏福精选午市套餐 两位用$728杏汁炖白肺汤超钟意杏汁杏仁茶嘅我，对呢个汤都几高要求，呢个汤完全系我想要嘅味，超级足料，生磨南北杏，令到杏仁味超浓，猪肺煲到好腍，侍应好贴心咁准备左豉油比我地点黎食吊味！镶钻黄金虾卖相好靓，睇落只虾好大只，以为好厚炸粉，原来唔系，系只虾就系咁大只，外层沾左咸蛋黄同麦片，好特别嘅配搭，香脆可口，虾肉好新鲜开边再落镬炸，啖啖肉好正，虾头都炸到脆卜卜，虾膏好鲜甜！大良炸鲜奶炸鲜奶好难掌握，上碟同食嘅时间唔同，感觉都差好远，呢个时间、口感、味道都拿捏得啱啱好，上碟时热辣辣啱啱新鲜炸起，外层香脆，入面嘅鲜奶有少少流心，唔会成旧粉咁，牛奶味香浓，系我食过最好味最正嘅炸鲜奶！$128 精美小菜任选一款 - 顺德煎酿鲮鱼呢道菜好考功夫同心机，师傅用左三条鲮鱼肉，再酿成一条，用番鱼头、鱼皮、鱼尾以一条完整嘅鱼嘅形态再呈现出嚟，鲮鱼肉爽口弹牙，师傅应该打鲮鱼肉打
我地叫左个二人餐，真心讲两个人食份量偏多，已经净系叫左一碗白饭share，都食到好饱。
名门二人杏福精选午市套餐 两位用$728
杏汁炖白肺汤
超钟意杏汁杏仁茶嘅我，对呢个汤都几高要求，呢个汤完全系我想要嘅味，超级足料，生磨南北杏，令到杏仁味超浓，猪肺煲到好腍，侍应好贴心咁准备左豉油比我地点黎食吊味！
镶钻黄金虾
卖相好靓，睇落只虾好大只，以为好厚炸粉，原来唔系，系只虾就系咁大只，外层沾左咸蛋黄同麦片，好特别嘅配搭，香脆可口，虾肉好新鲜开边再落镬炸，啖啖肉好正，虾头都炸到脆卜卜，虾膏好鲜甜！
大良炸鲜奶
炸鲜奶好难掌握，上碟同食嘅时间唔同，感觉都差好远，呢个时间、口感、味道都拿捏得啱啱好，上碟时热辣辣啱啱新鲜炸起，外层香脆，入面嘅鲜奶有少少流心，唔会成旧粉咁，牛奶味香浓，系我食过最好味最正嘅炸鲜奶！
$128 精美小菜任选一款 - 顺德煎酿鲮鱼
呢道菜好考功夫同心机，师傅用左三条鲮鱼肉，再酿成一条，用番鱼头、鱼皮、鱼尾以一条完整嘅鱼嘅形态再呈现出嚟，鲮鱼肉爽口弹牙，师傅应该打鲮鱼肉打到起晒胶。
顺德污糟鸡(半只)
呢度菜好香好惹味，离远已经闻到好香酒香味，师傅用左黄酒、绍兴酒、玫瑰露酒腌只鸡，再落左黑白胡椒调味，所以有少少辣，鸡件切得好细件，所以特别入味，而用蒸黎做烹调方法就可以更加锁紧味道，第一次食已经爱上左呢道菜，我地仲用左啲蒸鸡汁嚟捞饭添！
上汤时蔬
菜心清甜，浸上汤清清地去油腻感，平衡番之前几碟较浓味嘅菜。
生磨蛋白杏仁茶
最后甜品都系我至爱嘅杏仁，即叫即煮所以要预10-20分钟，都系好浓味嘅杏仁味，超喜欢！
张贴
