芽莊越式料理 (海港城)

营业中

休息中

一向都好钟意呢间餐厅，佢嘅质素一向都keep到，今次叫咗香茅牛肉捞檬 ，河内熟牛肉粉，鱼饼，烧乳猪。我钟意香茅牛肉捞檬因为钟意有菠萝。今次大约有五粒左右。 钟意呢间餐厅对于香料一啲都唔吝啬，佢畀好多香料，而且都系好新鲜。熟牛肉粉有好多香料，钟意佢个汤好正，唔咸。一直都食开佢个鱼饼，好弹牙，呢个fish cake 系冇汁配嘅，如果钟意可以加啲鱼露。今次叫咗个烧乳猪四分一，都二百蚊。 皮系非常脆，但系呢个乳猪真系好肥，有两嚿直情系皮接著肥膏 。 肥膏比例太多 ，根本唔会食晒成嚿。手工蚬港青柠beer, 唔好饮。