座銀

营业中

休息中

座银@跑马地景光街一间好耐之前已经想试嘅拉面店，喺香港佢有中环同埋跑马地两间分店。今日去到中环，因为系午膳时间非常多人排队，所以临时决定转场去跑马地。舖头环境其实都几舒适，装修上都有少少日本拉面店风，同时黑色格调又带有种高级感，有正常餐枱同吧枱可拣，都坐得几舒适。啱啱坐低侍应就已经主动询问要热茶定冻茶，可能因为小人，落单同埋各样嘢手脚都好快。呢间嘢最出名嘅就系鸡白汤汤底，我今日就点咗佢嘅海鲜 •鸡拉面。咁其实呢个都系鸡白汤底，只系加左虾干鱼干去熬制个汤底，我觉得味道更加鲜，而且Creamy得来黎唔会太漏，亦唔会饮到好口渴。个汤有少少偏咸，但冬天食就够晒暖笠笠。伴面嘅𩠌就只系得一片日式叉烧同鸡肉，整体都系唔错，食落够嫩滑唔会话太干柴。拉面嘅面底系偏粗身嘅，而且师傅煮到啱啱好，食落去烟韧弹牙，亦都好挂汤。最后梗系唔少得本店嘅特色炸牛蒡条，绝对系打卡一流，够薄够香脆。配料嚟讲都好有质素，既特别又好食。