十三少 (已結業)

今晚收工去左坚尼地城既十三少食川菜。小食系炸黄豆，脆卜卜，好香口。椒麻皮蛋椒麻皮蛋真系同上次一样咁好食。皮蛋应该有两只，切开之后摆好喺只碟，中间就放好辣椒蓉同蒜泥，个汁加左醋，少少酸辣，一啲都唔麻，好开胃。透明蛋白超弹牙，个蛋黄又滑又香，质感好正。猪手猪手一客有10件，份量超多，热辣辣上枱。猪手炆得超腍，骨胶原重，食完个嘴黏黏地，唔觉肥。食落带少少辣，好好食㖞。十三少酸菜鱼十三少酸菜鱼真系超大碟！酸菜鱼嘅汤底系用鱼汤整，服务员建议可以饮一啖先。连皮鱼片有好多，非常滑又有鲜鱼味兼冇骨。叫左少辣，辣度好啱。除左酸菜，其他配菜仲有菇片，莴苣片，同白萝卜片，吸左个汤都几好食。再加上姜丝，大量白芝麻粒，辣椒，花椒，味道调得唔错，唔会太辣或过麻。呢度酸菜鱼真系好好食，鱼鲜肉嫩。红糖糍粑就算几饱，都一定要食甜品。糍粑一客8件，伴有红糖酱，摆盘唔错。糍粑炸得皮脆而内烟韧，但系全不油腻，伴少少红糖酱食有少少甜味就够。服务员殷勤加水，又会帮手换碟。食甜品都会帮你换新碟。值得一提系呢度供应免费柠檬冻水，可以帮辣嘴降降温。最后要多谢友人请客。