石亭居酒屋

营业中

休息中

發現一間真心好味嘅日式居酒屋，一定要推介俾大家😍佢位於尖沙咀，唔算大，平時行過可能會留意唔到，但係啲出品真係好高質👍🏻當晚食咗幾款時令嘅刺身都非常好味😋印象最深刻係白子，佢嗰汁酸酸甜甜，仲有微微嘅辣味，非常開胃👍🏻之後係墨魚，切得好薄好靚，重點係上面加咗師傅自己磨嘅芝麻，真係勁香🤩仲有八爪魚足，尤其鍾意嗰嘴嘅口感，好爽口😌之後叫嘅兩款壽司都好好味，尤其係北海道海膽壽司，用嘅係馬糞海膽，真係好甜呀🤩而碎蔥吞拿魚腩壽司都好肥美，水準之作。之後就上串燒同熱食，最正梗係蒲燒鰻魚啦，啲汁夠多，鰻魚又夠肥美，仲有燒牛舌同埋雞翼，都好香好好味😋仲有邊飲住生啤，邊食洋蔥炒雞横隔，真係好滿足😌