Mue Mue

营业中

休息中

今日喺尖沙咀行街，无意中发现美丽华商场3楼，有一间好靓嘅泰国菜餐厅　，门口仲有好靓嘅圣诞树装饰，入去试吓。首先叫咗一份「咸蛋黄沙律」，咸咸酸酸好开胃。接着，叫咗一份「炭烧沙嗲鸡肉串」，鸡肉非常嫩滑。仲有「摩登海鲜冬阴功」，冬阴功汤入面好多海鲜，非常足料，又唔会太辣。接着叫咗一味小菜「咖喱原只虎虾球」，虾球已经去壳，唔使搣虾壳，食得好方便，虾肉非常爽口，再配合香浓嘅咖喱酱汁，仲有椰汁香味，非常可口。「原个菠萝炒饭」，好大碟、好足料，两个人食，饱到揽住个肚。最后唔少得甜品「芒果糯米饭」，佢唔同一般出面嘅芒果糯米饭，佢将糯米饭整成饭团咁样，预先混入椰浆，甜甜地，细细粒，净系个饭都已经好好味，再加上香甜嘅芒果，同埋芒果雪糕，真系好特别。食泰国嘢，通常都会饮沙，我哋拣咗「什莓沙冰」同埋「芒果椰汁沙冰」，冰冻而解渴，好好味。