Goobne Chicken (The Hart)

营业中

休息中

其实仲有一个礼拜都会飞韩国嫁啦! 但都系忍唔住想黎止下瘾!! 今次带左好少食韩国炸鸡既妈妈黎食, 本身佢好抗拒 , 点知由头到尾赞好食既都系佢~!!呢度环境好干净, 电视上播住韩国当红明星既广告片段, 宣传D鸡系焗唔系炸健康好多 ~果然系韩国有名既连锁炸鸡店呢!试左个set”chicken & more” , 拣左甜辣炸鸡同铁板辛奇煎饼 甜辣炸鸡 可以拣有骨/无骨, 我地拣左有骨, 系估唔到成只鸡件咁上! 份量好多!最惊喜既炸鸡系布满酱料之下,  外皮仍然非常脆!! 酱料甜甜微辣, 鸡肉嫩滑 ,唔油腻 , 令人食唔停口~ 感觉鸡件应该系新鲜的, 唔似坊间既雪藏鸡有雪味呢! 连妈妈都赞不绝口铁板辛奇煎饼, 有大量既泡菜, 辣度同酸度适中, 味道应该有配合返香港人口味, 食落唔会太刺激既同时但又食到泡菜既味道~ 值得一试呢! 西柚沙冰, 因为天气太热忍唔住要嗌返杯沙杯饮下, 竟然沙冰中有柚子肉, 味道仲超浓好够味! 饮到底都唔会变左好稀无味