影片
更多
2022-10-01
1627 浏览
放假老友话想食下韩式午餐，揾左几间老友话试下呢间马场洞，一黎交通方便就系形点地下，近屯马线，2黎个名又系韩国既地方名，一于试下，睇返资料呢间铺前身系新麻蒲韩烧，上年其实都黎食过感觉就一般般，但再睇真d原来只系改左名，d餐牌上既食物印象中好似一样，唔紧要再黎试下睇下有无分别。咁大约中午1点左右到啦，假期点都人多d等左半个钟左右都入得，唔算太耐，个门面就比较唔似韩式餐厅，内在环境其实好大下，个格局同上年黎都无乜分别，睇黎都只系改名或转手。由于安排坐左系比较角落既位，有时叫侍应都未必揾到人，个场又真系几大，如果用QR code落单感觉好d。睇下个餐牌，今日主要就食韩式料理，午餐价钱其实都唔算平，不过如果话几个朋友一齐聚下食下又ok。其实坐底就已经上左3碟前菜，有泡菜，土豆丝同鸡脾菇，前菜讲真几有惊喜，泡菜味道少少酸少少辣，酸辣度唔算好抢，几好食，土豆丝就爽脆，味道就淡d，最估唔到竟然有鸡脾菇做前菜，个人几钟意食，味道少少辣，最紧要前菜系有得任食，但叫人就可能比较困难d，始终个位比较角落，最终都加多左碟泡菜。脊骨土豆锅配饭呢个餐呢，真系几夸张，1个锅有成差唔多8件牛骨，件件大大旧，初初以为只系
咁大约中午1点左右到啦，假期点都人多d等左半个钟左右都入得，唔算太耐，个门面就比较唔似韩式餐厅，内在环境其实好大下，个格局同上年黎都无乜分别，睇黎都只系改名或转手。
由于安排坐左系比较角落既位，有时叫侍应都未必揾到人，个场又真系几大，如果用QR code落单感觉好d。
睇下个餐牌，今日主要就食韩式料理，午餐价钱其实都唔算平，不过如果话几个朋友一齐聚下食下又ok。
其实坐底就已经上左3碟前菜，有泡菜，土豆丝同鸡脾菇，前菜讲真几有惊喜，泡菜味道少少酸少少辣，酸辣度唔算好抢，几好食，土豆丝就爽脆，味道就淡d，最估唔到竟然有鸡脾菇做前菜，个人几钟意食，味道少少辣，最紧要前菜系有得任食，但叫人就可能比较困难d，始终个位比较角落，最终都加多左碟泡菜。
前菜
41 浏览
1 赞好
0 留言
脊骨土豆锅配饭
呢个餐呢，真系几夸张，1个锅有成差唔多8件牛骨，件件大大旧，初初以为只系骨大但其实肉都唔少，d牛骨其实都只系煲汤骨，但加落本身呢个大酱汤度又加返d风味，肉质煲到腍得黎又唔会烂晒，有时仲食到d软骨位，边食又边饮佢d汤，真心觉得好正，汤入面配料都唔少，主要有5大件薯仔，咁足料呢个价钱抵啦，唯独我觉得个汤比较浊，好似好多咪味粉咁，配饭系韩国珍珠米，夹果阵有少少黏，但食落又唔会痴笠笠，个饭都几高质，个餐既缺点就系食到你无仪态，因为d骨大大旧一定要用手揸住慢慢损。
脊骨土豆锅配饭
$98
43 浏览
0 赞好
0 留言
极级霜降牛肉釜饭
呢个餐要等耐少少大耐10-15分钟，釜饭就好似韩式既煲仔饭咁，煲饭本身加左高汤去煮食落带点香味，霜降牛肉粒份量都唔少，铺满成个饭份量好足，牛肉粒带点油脂食落唔会鞋，调味都岩岩好，初初睇落饭好似好细但其实个碗几深，所以份量绝对充足，饮品黎讲就只有汽水拣，想饮其他野就收正价。
极级霜降牛肉釜饭
$133
28 浏览
0 赞好
0 留言
整体黎讲食物质素系非常满意，环境都够大坐得几舒服，而餐厅不时都会播返d韩国流行曲，岩晒我呢钟意kpop既人，但其实人多都比较嘈听唔到d乜其实，如果话想食个高质韩国料理呢间都系个唔错既选择，唯独服务方面就真系正如好多食评所讲要加强，今日我既用餐服务体验其实唔算得上差，但一定唔叫好，好多时同侍应讲完就行开，放低又行开，其间都感觉到佢地比较目无表情，可能人多比较忙啦，虽然话中间无乜甩漏，但作为一间中高档餐厅黎讲服务有侍加强。
张贴
