貊炙

营业中

休息中

貊，音「墨」，有指同貉系同类，亦可以指朝鲜半岛中南部嘅一支部族。而貊炙作为香港首间韩式扒房，将韩式烧肉同西式干式熟成嘅肉类处理方法融合，简直系味觉嘅奢华享受。 酱油盛合先试韩国传统料理。用酱油腌制，咸味同甜味啱啱好；带子鲜甜，虾肉肥美，八爪鱼爽口弹牙；有少少辣椒同蒜头提味好开胃。 盐砖和牛西冷牛扒不得了！和牛西冷油花分布平均，肉质嫩滑。职员会帮手烧，半熟嘅牛扒放喺玫瑰盐砖上面，利用余温吸收盐嘅味道，入口即溶。庆州黑毛猪盛合配生菜猪梅肉肉质爽口，猪五花肥瘦相间，脂肪油香非常，猪肠口感筋道唔油腻，猪皮烧到有少少焦香，胶质丰富。配生菜同生蒜系经典韩式烧肉食法，增加清新同减低腻口感觉。 海鲜煎葱饼烧肉之外，韩式煎饼都劲吸引。海鲜厚实弹牙，煎饼同一般做法唔同，多咗份酥脆。酱汁除咗酱油、糖同醋，仲有麻油同芝麻等，为煎饼提升味道层次。青瓜青柠梳打/西柚乳酸梳打青瓜嘅清新加上青柠嘅清涩，凉快舒畅。西柚同乳酸都甜甜酸酸，佐餐一流。 蜂蜜雪糕用蜂巢蜜配云尼拿雪糕，较蜂蜜穊身，甜味清香，感觉十分滋润。