影片
更多
2016-10-05
560 浏览
估唔到诺士佛台有d咁既好地方。平时黎都系系楼下d bar多！今次因为朋友介绍所以试左狎鸥亭。环境好舒服，有少少日风。咩都未点之前就已经有前菜6小碟！呢个就系韩国特色！有d芽菜鱼仔食住等，个人觉得好贴心！因为真系好喜欢食炖野，所以咩都无谂，第一样就叫左个红烧牛排。写呢篇食评好大既原因都系因为个红烧牛排！真心好好食！佢炆到d红白萝卜超林！每一啖咬落去都系个种会溶既感觉！完全唔会有渣！而个牛排，首先食得出佢既选料好新鲜上乘！因为真系好浓既牛香味！仲有既就系d酱汁系炆既时候就已经入晒个牛排肉到。所以每咬一啖都食到烧汁同牛既油脂既融和！真心觉得高兴既系佢无拣哂最瘦既牛，而系有d瘦，有d有油脂，咁样炆出黎既肉先会咁甜！劲推介！另一个想试好耐，终于有机会食到既就系人参鸡汤。d人话韩国人点解咁长寿都系因为d人参！同我想像中有少少唔同，中式汤追求既系清，所以平时饮个d中式鸡汤都系好清，然后好浓鸡味个种。但呢个汤佢除左汤水，仲落左少少米，真系唔多，但就令个汤既质地唔同左，有d似粥水个种。 同埋佢个汤应该炖左好耐，因为呢啲鸡嘅骨系煲林埋，可以食个种！ 冇试过可以连鸡骨都一咬就碎。所以个汤都好有鸡骨既精粹，唔
咩都未点之前就已经有前菜6小碟！呢个就系韩国特色！有d芽菜鱼仔食住等，个人觉得好贴心！
因为真系好喜欢食炖野，所以咩都无谂，第一样就叫左个红烧牛排。写呢篇食评好大既原因都系因为个红烧牛排！真心好好食！佢炆到d红白萝卜超林！每一啖咬落去都系个种会溶既感觉！完全唔会有渣！而个牛排，首先食得出佢既选料好新鲜上乘！因为真系好浓既牛香味！仲有既就系d酱汁系炆既时候就已经入晒个牛排肉到。所以每咬一啖都食到烧汁同牛既油脂既融和！真心觉得高兴既系佢无拣哂最瘦既牛，而系有d瘦，有d有油脂，咁样炆出黎既肉先会咁甜！劲推介！
另一个想试好耐，终于有机会食到既就系人参鸡汤。d人话韩国人点解咁长寿都系因为d人参！同我想像中有少少唔同，中式汤追求既系清，所以平时饮个d中式鸡汤都系好清，然后好浓鸡味个种。但呢个汤佢除左汤水，仲落左少少米，真系唔多，但就令个汤既质地唔同左，有d似粥水个种。 同埋佢个汤应该炖左好耐，因为呢啲鸡嘅骨系煲林埋，可以食个种！ 冇试过可以连鸡骨都一咬就碎。所以个汤都好有鸡骨既精粹，唔系净系鸡肉嘅味道 仲有最正就系，个人参汤真系见到人参㗎！有两支小人参！ 可能啲味道已经出晒喺个汤到，所以咬落去都唔系话好大浸人参味，唔会好苦！鸡肉都好嫩滑，仲好贴心咁有盐可以点。
冇谂到会喺韩国菜食到猪手。几正嘅系呢个系几新式嘅食猪手方法，我都未试过咁样食！好喜欢侧边有啲萝卜丝青瓜丝苹果丝，好似食紧沙律咁好清新！
最后不得不提就系佢用呢个海盗船黎装住依个海贼王。上面仲有炸原只八爪鱼同埋炸鸡，仲配咗三个酱分别系：辣酱、甜酸酱同埋茄汁。成个presentation超级靓！！！
系诺士佛台嚟讲佢呢个价钱一啲都唔贵！下次嚟诺士佛台可以唔系净系饮酒啦！走嘅时候经理仲提一提我地今个月做紧个海鲜汤面嘅promotion 68蚊，叫我哋下次你记得要试下！其实头先计菜既时候佢都有介绍，不过因为我哋想试下人参鸡汤，所以冇叫到。 佢哋嘅服务态度真系几好！走的时候仲有糖可以攞走！有呢啲咁嘅小甜头令到我觉得好幸福呀
张贴
