蟹仙海鮮蒸碢大公館

营业中

休息中

屋企人好钟意食海鲜，所以今次专登揾一间专系食靓海鲜嘅餐厅。餐厅有有唔同价位嘅海鲜套餐，个人比较推介中间价位嘅尊贵海鲜套餐 $449，因为食材多数都系空运过嚟，唔系间间餐厅都可以食到。第一轮嘅海鲜拼盘就有日本野生大赤虾、翡翠螺、大西洋野生青口、日本大元贝和韩国斧山珍珠蚝。我自己都系最钟意大赤虾，店员介绍佢系刺身级，所以唔使蒸到好熟，虾身非常弹牙鲜甜。野生琵琶龙虾店员介绍依款系每日新鲜采购，琵琶龙虾表面有绒毛，喺上乘之选。食落比龙虾更加鲜甜多汁。太平洋馒头蟹唔好睇佢细细只，绿黄色嘅膏其实非常鲜甜。野生膏仔蟹膏仔蟹就度度都有，但系来自菲律宾嘅就第一次食。食落膏身好浓郁，唔讲仲以为食紧大闸蟹。食完海鲜就可以食返啲蔬菜，同埋最后精华嘅粥底，呢一餐即系健康又饱足。