蝦棧 (已搬遷) 新店位置

系朋友推荐下，知道旺角有一间台湾野，系专食虾仲要有不同风味可供选择。店员服务周到，会同我地推介有咩好食。叫左D前菜，个醉鸡卷一碟有6旧，啖啖肉，花雕味唔太浓，刚刚好。加左粒杞子做点缀，相当有心思。另外，我地亦都叫左碟墨鱼黑白卷。有2款分别有墨汁同无墨汁嘅墨鱼卷，热辣辣新鲜即叫即炸，加埋泰式甜酸酱，令味道更加丰富。值得嗌黎食。到左重头戏啦，咸蛋黄虾。一锅有8只，闻到非常香。虾嘅大细个人认为刚刚好，因为可以唔洗用手，一口就可以食得。加上，佢d咸蛋黄包住d虾壳，一定系用口”损”下先食到佢d味道。食完d虾，一定要夹d咸蛋捞饭。而菜方面，我地本身谂住试下树子冰菜，但点知卖哂，所以我地就叫左羽衣甘蓝啦。咁味道都几好，因为食落有少许甜，绝对一d都唔油，几好。