Chalet (已結業)

今日系荃湾附近行，谂起朋友讲过荃湾有间好好食既餐厅，就专程黎到呢度。黎既呢日咁岩外部装修紧，所以都比较难揾到呢。一入到黎，发觉入座人数都唔少，但位置好宽敞舒适，唔好觉得好嘈同逼，值得一赞系张凳好淋，好舒服好好坐。餐牌有两面，另外仲有个饮品menu，我地叫左1个set dinner，1个 A LA CARTE，另外仲有2杯野饮 同 加1个甜品。首先系set dinner既餐汤，是日餐汤系蕃茄忌廉汤，好浓既蕃茄香同甜味，亦都带微酸。另外仲有一块包可以点住食呢。之前就系set dinner既前菜，帝王蟹饼配蛋黄芥茉酱。蟹饼既外层煎到好脆，有种酥皮既感觉，一切开入面就系啖啖既蟹肉，蟹味好浓，齿夹留香，足料，再加上蛋黄芥茉酱同鱼子伴碟，鲜味、甜味、咸味等等各种味道融合之后，加埋一齐好夹，个味觉好丰富。之后就系Cafe Latte ，个人感觉味道较淡，自行加左两粒糖。之后就系主菜啦~ 佢个名好长，叫做 黑松露牛肝菌意大利饭配有机大啡菇配牛肝菌泡沫，睇个名都知呢款系以菌类为主既意大利饭 ~ 亦都好适合食素既人士点~！首先食第一层，牛肝菌泡沫 味道唔算浓，但胜在口感特别，一放入口即时就融化不见既感觉。