影片
更多
2024-09-15
57 浏览
重房呢间Omakase之前响北角时都出晒名性价比高最近搬咗去铜锣湾地铺终于有机会去试下😋新铺装修好精致好有心思黑金色嘅主调令整个观感好有格调坐低时已经见到师博Ivan好忙碌咁处理紧食材见到佢一丝不苟咁做准备忍唔住非常期待✨ 日本蕃茄 & 北海道白粟米打头阵前菜系高糖份嘅日本蕃茄加上自家制嘅白酒啫喱份外清甜同醒胃而北海道白粟米完全无经蒸煮十分香甜✨ 仙凤趾生蚝呢款来自北海道嘅生蚝刚刚入季非常大只特别之处系囊位饱满劲cream配上土佐醋啫喱嘅微酸令整个味道好有层次✨ 北海道紫海胆•甜虾蓉•法国鱼子酱仲回味紧个生蚝又嚟另一个重头戏日本嘅海胆踏入季尾～食埋呢转就无得食😋呢款北海道紫海胆真系超级鲜甜！！！加埋甜虾蓉、鱼子酱仲有北海道淡雪盐真系十分香甜而且口感丰富✨ 北海道石垣贝非常新鲜～ 师傅将成旧贝肉挞落个碟度佢仲会郁郁下😋😋 口感爽滑鲜甜好好味✨ 时令秋刀鱼Ivan话嚟到秋天就一定要食秋刀鱼呢条刚入季未算最肥但已经充满鱼油香味我第一次试秋刀鱼嘅刺身原来鱼味可以咁香浓✨ 池鱼他他 捞咗啲日本炸蒜好香～ 成个口感都好滑✨ 火炙拖罗脑天 • 赤身脑天系稀少部位～100kg先得1kg虽然多筋但用火弹
最近搬咗去铜锣湾地铺终于有机会去试下😋
新铺装修好精致好有心思
黑金色嘅主调令整个观感好有格调
坐低时已经见到师博Ivan好忙碌咁处理紧食材
见到佢一丝不苟咁做准备忍唔住非常期待
✨ 日本蕃茄 & 北海道白粟米
打头阵前菜系高糖份嘅日本蕃茄
加上自家制嘅白酒啫喱份外清甜同醒胃
而北海道白粟米完全无经蒸煮十分香甜
✨ 仙凤趾生蚝
呢款来自北海道嘅生蚝刚刚入季非常大只
特别之处系囊位饱满劲cream
配上土佐醋啫喱嘅微酸令整个味道好有层次
✨ 北海道紫海胆•甜虾蓉•法国鱼子酱
仲回味紧个生蚝又嚟另一个重头戏
日本嘅海胆踏入季尾～食埋呢转就无得食😋
呢款北海道紫海胆真系超级鲜甜！！！
加埋甜虾蓉、鱼子酱仲有北海道淡雪盐
真系十分香甜而且口感丰富
✨ 北海道石垣贝
非常新鲜～ 师傅将成旧贝肉挞落个碟度
佢仲会郁郁下😋😋 口感爽滑鲜甜好好味
✨ 时令秋刀鱼
Ivan话嚟到秋天就一定要食秋刀鱼
呢条刚入季未算最肥但已经充满鱼油香味
我第一次试秋刀鱼嘅刺身原来鱼味可以咁香浓
✨ 池鱼他他
捞咗啲日本炸蒜好香～ 成个口感都好滑
✨ 火炙拖罗脑天 • 赤身
脑天系稀少部位～100kg先得1kg
虽然多筋但用火弹完会变得超香同淋身
夹埋赤身一齐食真系啖啖都系鱼油香味
一冻一热口感好有趣
✨ 矶煮鲍鱼
佢哋其中一项signature
鲍鱼慢煮几个钟再浸过夜所以入晒味
加埋鲍鱼肝酱又系另一番滋味
✨ 金鲷
佢哋用一啲健康食材做咗一个紫色嘅sauce
加上柠檬汁瞬间变成粉红色🤩🤩 超惊喜！
金鲷嘅鳞烧到好松脆
肉质软嫩蘸埋个酸酸哋嘅酱汁好fresh
✨ 寿司六品
- 北寄贝加上柚子胡椒鲜甜与微辣交织，口感层次丰富
- 蜜柑鲷有少少陈皮咁嘅香味，而岩盐同鱼子酱棒嘅咸香味令鱼肉更鲜味
- 金目鲷有啲嚼劲，洒上乌鱼子粉，又系咸咸香香咁好鲜味
- 烟熏中拖罗，少少烟熏味入口即溶
- 马粪海胆，成板海胆切蛋糕咁切出嚟～劲正！
- 右口鱼边鱼油味满泻～加埋炒过嘅樱花虾有啲脆卜卜好有口感
✨ 鲜鱼汤
由三十几种鱼头鱼骨煲成～
真材实料煲到咁奶白色
不过可能怕客人惊腥稍为胡椒味重手咗啲
✨ 静冈蜜瓜
最后系用超清甜嘅静冈蜜瓜作结尾
好fresh好解腻👍🏻👍🏻
咁丰富用料咁上盛嘅17品omakase
#系连每只碟都劲精致系师傅专登响日本揾返嚟
竟然只系$1580/位‼️
有啲癫～Ivan都话性价比系佢哋嘅卖点！
亦唔会将货就价～
希望拣选最优质同时令嘅材料准备比客人！
净系呢份心意都好值得支持～
我会等海胆再回归时返嚟encore🤭🤭
张贴
