鳴門魚市場居酒屋 (已結業)

行过荃新天地见到荃湾店食满$100送$100 coupon下次使用，觉得几抵就揾日夜晚嚟帮衬，餐厅比想像中大，我谂佢有啲长期捧场客，见到有熟客同侍应熟络咁倾偈，有啲日本居酒屋嘅feel~鱼市场刺身拼盘，见到卖相忍唔住wow一声，有金目鲷半条、加拿大海胆、赤虾、北寄贝、伊佐木、剑鱼腩、鲜贝柱，全部刺身都非常新鲜而且份量十足都系厚切，最最喜爱金目鲷嘅肉质好鲜甜爽口，海胆一啲都唔苦口感creamy同紫菜一齐食好正!! 日本令和怪物蚝，侍应话系飞机货好新鲜，成只手掌咁大只，一食落口就知佢新鲜，走清爽易入口路线，建议唔需要点酱汁食，加少少柠檬汁已经好好味!! 寿司有鹅肝、拖罗蓉、左口鱼裙边、赤贝，鹅肝烧得好香入口即溶超好食，第二最爱系左口鱼裙边，平时比较少机会食到，拖罗蓉亦都好正!! 好想encore鹅肝寿司，但已经好饱唯有留返下次~ 串烧有牛舌、豚肉芦笋卷、黑豚腩同埋白鳝，烧白鳝非常肥美，烧到外皮有少少脆，非常推介，另外芦笋好新鲜完全冇渣，串烧有水准调味得宜!! 最后有海胆海鲜黄金炒饭，呢个炒饭有好多配料，炒得好香而且啲饭粒粒分明有镬气!! 整体食物水准好好，唔怪得知咁多熟客捧场客，食完攞到