賀喜 (美孚新邨) (已結業)

系美孚新村后面,铺面灯光舒服,店员安排左我地坐房,首先有高质既小食先,系枝豆,烧鱿鱼同埋豆腐,烧鱿鱼几特别,有d似饼干,但系又有鱿鱼既香味。刺身拼盘有厚切三文鱼,甜虾,油甘鱼,象拔蚌。象拔蚌爽脆清甜,油甘鱼同埋三文鱼啖啖肉,而且表面有少少水份系度,证明好新鲜。红衫鱼刺身,冇错系红衫鱼,口质有少少似油甘鱼,味道似淡味版既三文鱼,值得一试吞拿鱼腩都有2种食法。仲有海胆,葱碎三文鱼,呢个有d浓味,牛油果天妇罗卷好大份,建议4个人先好叫,如果2个人叫既话应该都饱左4成。食得太多刺身既话可以叫个串烧中和下,冬菇同埋鸡冀都唔错架钟意食鱼头既话,呢个一定唔好错过啦,味道一流,肉又多,而且酱油都好入味天妇罗就一定唔少得啦。