CIAK - All Day Italian (太古城中心) (已結業)

今日嚟到位于太古城嘅米芝莲意大利餐厅CIAK晚餐，首先店内装修极具格调，座位非常宽阔，坐得都几舒服.不过可以睇到呢间餐厅都几多捧场客，推荐大家要去食之前Book咗枱先。首先前菜方面我哋叫咗二式烩八爪鱼仔，佢哋特制嘅酱汁有浓浓嘅蕃茄味，但唔会太酸，同新鲜嘅八爪鱼仔非常搭配，而且非常开胃。之后意大利菜就梗系要试吓Pizza啦，我哋选择咗佢哋嘅风干火腿芝士pizza，佢哋嘅风干火腿有香浓嘅咸香味但唔会太咸，啱啱好，Pizza芝士味浓郁，搭配火腿出奇地夹。之后当然唔少得意粉，我哋叫咗两款意粉，第一款系蛋黄芝士汁配风干烟肉粒意粉，佢嘅蛋黄芝士汁芝士味香浓，而且佢嘅蛋黄汁零意粉食起上嚟更加香滑，搭配香口嘅风干烟肉粒，好好食。另一个意粉我哋叫咗烩鸭肉牛肝菌三角扁意粉，呢个意粉非常特别，三角形的，而且口感非常之独特，个人非常之钟意，意粉有香浓嘅鸭香味，同时佢哋嘅牛肝菌汁同鸭肉非常之搭配，独特得来十分出色嘅一个意粉。整体方面每一道菜都非常之出色，不愧系米芝莲厅，喜欢意大利菜嘅朋友一定要黎哩度试吓.