影片
更多
2024-10-09
155 浏览
齐柏林嘅热狗就食得多，今次佢哋进驻牛丼界，同吉野家、すき家同埋松屋一众日本品牌争天下，作为香港人梗系支持一下本土品牌啦 🙌🏻 牛魔王饭用和牛做嘅汉堡扒煎得刚刚好，咬开充满牛香同埋肉汁，个饭仲跟咗一个牛魔王汁，教学话先将汁淋落饭度，然之后再一啖饭一啖肉咁食，个汁有柚子醋酸酸地，令到成件事 fresh 好多，估唔到平平哋都可以食到咁高汁嘅和牛汉堡扒饭，值得一试 😋咖喱豚肉饭佢哋个咖喱汁甜甜地，后劲有少少辣，配埋入边有好多红萝卜粒粒，都几好食 😍 豚肉片有煎香过，咬落去都Juicy，而且肉片同咖喱汁嘅份量都好多，绝对做到啖啖饭都有汁又有肉 🤤跟餐小食：公鱼仔、炸鸡跟餐有几个小食可以拣，我哋就拣咗公鱼仔同埋炸鸡，公鱼仔细细条好得意，炸到香香地，少少咸之余又有啲鱼味 👍🏻 炸鸡都好唔错，唔会太咸同太油，而且都炸得几Juicy 🫶🏻另外跟餐仲有嘢饮，我哋就叫咗白桃汁，甜甜地好适合送肉饮 🙆🏻♀️呢度都几方便，地下又点餐机，上到一楼亦都有职员可以点餐，攞嘢嘅指示都好清晰，而且全程都有䢂搭，攞咗餐上2楼食都唔怕麻烦 👍🏻
牛魔王饭
用和牛做嘅汉堡扒煎得刚刚好，咬开充满牛香同埋肉汁，个饭仲跟咗一个牛魔王汁，教学话先将汁淋落饭度，然之后再一啖饭一啖肉咁食，个汁有柚子醋酸酸地，令到成件事 fresh 好多，估唔到平平哋都可以食到咁高汁嘅和牛汉堡扒饭，值得一试 😋
咖喱豚肉饭
佢哋个咖喱汁甜甜地，后劲有少少辣，配埋入边有好多红萝卜粒粒，都几好食 😍 豚肉片有煎香过，咬落去都Juicy，而且肉片同咖喱汁嘅份量都好多，绝对做到啖啖饭都有汁又有肉 🤤
跟餐小食：公鱼仔、炸鸡
跟餐有几个小食可以拣，我哋就拣咗公鱼仔同埋炸鸡，公鱼仔细细条好得意，炸到香香地，少少咸之余又有啲鱼味 👍🏻 炸鸡都好唔错，唔会太咸同太油，而且都炸得几Juicy 🫶🏻
另外跟餐仲有嘢饮，我哋就叫咗白桃汁，甜甜地好适合送肉饮 🙆🏻♀️
呢度都几方便，地下又点餐机，上到一楼亦都有职员可以点餐，攞嘢嘅指示都好清晰，而且全程都有䢂搭，攞咗餐上2楼食都唔怕麻烦 👍🏻
张贴
