囍筷

营业中

休息中

我又要去到宝马山揾食啦，囍筷算系我呢头最常食嘅餐厅。午餐选择唔多，得A-F餐同常餐。我叫咗A餐：香茅鸡扒饭，热朱古力。（学生价：$40) 睇图都见到块鸡扒又厚又大块，咬落又唔到好un，面头个鸡皮仲煎到脆脆地。最惊喜嘅系鼓油汁！隐藏咗喺饭底，捞匀左之后会有好香嘅香茅味～但配菜略嫌太少，只有两块翠肉瓜。可惜，呢间餐厅系用塑胶匙羹、塑胶叉、即弃筷子太唔环保了，而且佢嘅胶叉连鸡扒都吉唔到，好浪费。希望小店可以控制成本嘅时候考虑对环境伤害减到最低就好了。