和食居

营业中

休息中

香港返工lunch time想食日式嘅通常都要80几90蚊，想揾平啲嘅又惊唔好食。系湾仔中午觅食无意见到呢间，价钱十分合理又有好多人排队好有人气咁就入左去试下。入面唔大，为左坐多啲客系有些少迫，但系可以接受嘅。我叫左一个日式牛肉盖饭，都系59蚊，包热饮，真系好抵食。上菜速度都几快，大大碗，唔会平啲就缩水减料，牛肉放满系面，有蛋黄捞饭，唔洗另外加汁都够捞饭。牛肉烧汁入味，唔干唔鞋，送饭一流🤤同事叫左拉面，佢拉面普遍比饭贵少少，想平食嘅叫饭就啱啦，一样大碗够饱。拉面汤底唔会好咸，拉面亦有咬口唔会太软身。系湾仔用咁嘅价钱食到咁有质素嘅又咁平真系难得，实在系良心小店，希望会keep住水准👍🏻