臨家麵館

营业中

休息中

今日嚟到荃湾嘅临家面馆食晏以为只系普通街边嘅面店，冇咩特别点知有惊喜㖞！价钱亲民，仲有唔少选择。蕃茄崩沙腩扁面估唔到劲多鲜蕃茄，令到汤底好鲜甜。汤底仲加入咗肉碎、野菌、旺菜、非常足料。崩沙腩仲系用本地嘅新鲜牛肉，食落又淋又入味。台南扁面够爽滑，同汤底好夹。红酸汤崩沙腩扁面呢碗卖相有啲似蕃茄面，点知个味完全唔同。除咗有鲜蕃茄嘅甜味，仲食到酸菜味，但两者比例好夹。个汤底好开胃，越饮越上头，一定要试下！仲嗌咗两个小食，就系盐酥鸡同埋麻辣牛展前者炸得酥脆，后者就唔会太辣。