Bestow

营业中

休息中

今次叫咗两件蛋糕，分别系桂花金萱麻糬巴斯克芝士蛋糕同甘粟蒙布朗焙茶朱古力挞。桂花金萱麻糬巴斯克芝士蛋糕方面，中间夹住啲牛奶麻糬，烟烟韧韧好有咬口且好厚身！用乌龙口味整嘅芝士蛋糕，食落去好有茶香味，微微焦香感，啲茶香味同芝士味都好出色！已布丁系用桂花金萱牛奶整，食落口嘅时候布满住浓浓嘅桂花味同清甜嘅金萱茶，感觉好fresh！虽然蛋糕入面个三层都系用咗唔同嘅材料整出嚟，但一齐食嘅时候又会好夹！甘粟蒙布朗焙茶朱古力挞方面，一食第一啖嘅时候已经食到好香浓嘅栗子味，而且啲栗子蓉好绵好滑，个挞入面中间夹杂住香浓焙茶嘅馅，食落去好好食！