點一龍 (如心廣場一期)

营业中

休息中

高质点心放题，拍拖或聚餐都一流！环境坐得好舒服，慢慢叹茶😋平时去酒楼饮茶，想食得够多款式嘅点心，一定要叫够一大班朋友或者亲戚，咁先食得多款食得开心。但而家兴起好多点心放题嘅餐厅， 两个人都可以叫好多细份量点心浅尝！而”点一龙”系其中几出名，点心高质，环境舒服，价钱适宜，非常推荐👍🏻👍🏻👍🏻佢嘅点心放题有指定时段，每位都系$188左右。呢个价钱包左超过30款点心，传统嘅虾饺烧卖包点饭面甜点，而且质素都认真唔错，用料新鲜，即叫即蒸！份量就每笼三粒。虾饺、鲜虾菜苗饺同烧卖都必食！肠粉皮薄馅靓～当然餐厅亦都不乏十分具特色嘅点心！点心放题套餐就已经送你两客特色点心，有养颜燕窝蛋挞，的确几有心意～仲有一客瑞士汁鸡中翼。不错呢！任食点心当中有两个特别推荐嘅，就系奶皇流沙包同埋雪影金腿叉烧包，流沙包热辣辣，流心馅真系非常流行🤤雪影叉烧包，非常惊喜！酥皮超脆带小小点，包底软熟，外脆内软而且叉烧馅超重手，完全喜出望外！🤩🤩炸物既大虾春卷都极有诚意，入面既虾大大只又弹牙，春卷即叫即炸不马虎，又唔油腻，好过一般酒楼好多！另外仲试左店铺自家制既合桃酥，好食😚最后甜点都有，有芝麻卷、扬滋金露、杏仁茶、桂花糕等等。