岳川串揚 (已結業)

平時午餐自己一個人都會捐窿捐罅搵好嘢食😋行行下見到呢間位於灣仔與銅鑼灣交界嘅日式小店，午市定食由$68起有烏冬或飯選擇都相當豐富扺食！每個定食套餐包飲品、前菜，麵鼓湯同主食。雖然係一間小店，座位不多，餐廳佈置睇得出花心思，掛上日式紙燈籠、日式小擺設….充滿濃厚日本風味，整體環境感覺好舒適。~午市定食~日式燒汁牛肉烏冬 $88牛肉份量頗多，牛肉厚薄均勻適中，豐富嘅肉汁，加上洋蔥絲一齊炒好清甜😋入口軟嫰而且燒汁濃郁好入味，烏冬麵質好滑好彈牙。串揚香菇🍄（+$10）吉列炸串香菇🍄炸皮好薄，入口酥脆不膩。