影片
更多
2018-09-25
130 浏览
钟意食海鲜、又爱食自助餐，同事告知如心海景酒店嘅Café Circles正做紧「亚太海鲜盛宴」自助晚餐，咁两全其美下，当然即订定位，同另一半享受个Happy Friday Dinner Buffet啦⋯⋯哈哈😄！其实荃湾唔算成日去，初时都谂酒店位置会唔会难揾，我俩一个荃湾站、一个荃湾西落车，原来超方便，我喺荃湾站A出口沿天桥直往荃新天地再连接小天桥即到；而荃湾西站仲方便，旁边已是如心海景酒店。准时到达，餐厅环境非常宽敞，高高嘅楼底令人心情都开朗啲，枱与枱之间距离亦好足够，最重要当然系食物饮品区，同样非常宽阔、划分又清晰，令人特别开怀畅饮⋯哈哈！服务方便更要一赞，有礼细心嘅同时，清理食物碟相当快手，就连取食物区各厨师一样笑脸迎人，主动介绍和推介食物，真系相当难得，值得一赞再赞！到自助餐主角啦，果然名符其实「亚太海鲜盛宴」，无论头盘海鲜、冷盘、主菜、热荤或即制食物，都发现唔同海鲜以不同方法口味炮制，超级惊喜。《头盘海鲜》雪蟹脚、亚拉斯加蟹脚、翡翠螺、龙虾仔、青口、冻鲜虾 所有海鲜都非常新鲜鲜甜，雪蟹脚肉质丰富带微微海水鲜甜、蟹脚杯质嫩、翡翠螺鲜虾爽口鲜美，头盘已样样！《冷盘》蟹肉啫喱、黑椒
其实荃湾唔算成日去，初时都谂酒店位置会唔会难揾，我俩一个荃湾站、一个荃湾西落车，原来超方便，我喺荃湾站A出口沿天桥直往荃新天地再连接小天桥即到；而荃湾西站仲方便，旁边已是如心海景酒店。
准时到达，餐厅环境非常宽敞，高高嘅楼底令人心情都开朗啲，枱与枱之间距离亦好足够，最重要当然系食物饮品区，同样非常宽阔、划分又清晰，令人特别开怀畅饮⋯哈哈！服务方便更要一赞，有礼细心嘅同时，清理食物碟相当快手，就连取食物区各厨师一样笑脸迎人，主动介绍和推介食物，真系相当难得，值得一赞再赞！
到自助餐主角啦，果然名符其实「亚太海鲜盛宴」，无论头盘海鲜、冷盘、主菜、热荤或即制食物，都发现唔同海鲜以不同方法口味炮制，超级惊喜。
《头盘海鲜》
雪蟹脚、亚拉斯加蟹脚、翡翠螺、龙虾仔、青口、冻鲜虾
所有海鲜都非常新鲜鲜甜，雪蟹脚肉质丰富带微微海水鲜甜、蟹脚杯质嫩、翡翠螺鲜虾爽口鲜美，头盘已样样！
《冷盘》
蟹肉啫喱、黑椒吞拿鱼、海鲜紫菜蛋卷、烟三文鱼、烧酿鸡卷⋯⋯等等
冷盘同样见到好多海鲜，每款都各俱特色，又以蟹肉啫喱鲜甜特别、黑椒吞拿鱼惹味、烟三文鱼薰香美味。
《刺身》
刺身种类非常多，三文鱼、吞拿鱼、甜虾、北寄贝⋯⋯等等，仲有卖相吸引嘅寿司盘，样样肥美新鲜，好好食。
《沙律》
所有沙律蔬菜卖相都非常新鲜，种类又超多，配以唔同酱汁，开胃或中段中和胃部，简直一流。
《主菜》
自助晚餐每位一客芝士焗龙虾配香煎鹅肝，龙虾肉厚鲜甜啖啖肉；鹅肝煎得香脆又甘香美味，配上多士一齐食，超级棒！
芝士焗珍宝蚝 —
先欣赏感受厨师即场表演，火光熊熊炮制焗蚝，超级大大大只珍宝蚝，蚝汁丰富又充满蚝香，我都忍唔住食咗两只⋯⋯
《热荤或即制食物》
热食真真正正包罗万有，选择奇多，先来一连串海鲜热盘。厨师即场制作嘅海鲜窝（配上个人喜好酱汁：蒜蓉汁、咖哩汁、姜葱）和即场制作潮式煎蚝饼，诚意十足，相当好食。
仲有焗蟹盖、串标海鲜、海鲜蛋白烩西兰花、烤鱼、天妇罗、炸软壳蟹等等，样样都美味吸引！
清蒸粉丝扇贝、烧牛腓骨西冷、烧羊肶、自家制烧味、海鲜咖哩、烧羊架、印度烤饼、意大利薄饼、松露芝士海鲜阔面、龙虾炆伊面、海皇素翅汤、乡村牛尾汤⋯⋯仲有更多更多好味吸引热盘，简直不能尽记！
《甜品》
七彩缤纷、种类繁多嘅甜品时候啦！
Haagen-Dazs灵三款味道雪糕、无可抵挡嘅芝士吧、令人童心未泯嘅朱古力喷泉、滋润香滑嘅雪耳冰糖杏仁蛋白炖奶、传统紫米露、新鲜水果，全在我肚皮内⋯！
紧接更多甜品，生果酥、焗蓝莓杏仁金宝、伯爵朱古力奶冻、咖啡朱古力剧院蛋糕、芒果慕思蛋糕、杂果啫喱、栗子软饼、香橙慕思蛋糕、焗西米栗子蓉布甸、焗菠萝牛油布甸⋯⋯等等等，款式超多又好味！
无论食物选择之多品质之高、海鲜美食烹调嘅变化、餐厅宽敞舒服嘅环境、优良嘅服务质素，仲有折扣后的价钱，今晚的确有一个大大大惊喜。一于就订定位，下个月一家上下共10人为爸爸庆祝生日，再战「Café Circles」啦 ⋯⋯哈哈哈！
张贴
