莆田 (利舞臺廣場)

营业中

休息中

今晚去铜锣湾买嘢，顺便上去试下间福建莆田菜。第一个惊喜！前菜洋白菜，酸酸地真心好开胃，同时另一个惊喜，个茶，虽然我冇饮开茶都冇咩品茶习惯，但系都觉得好香好舒服盒味道。接下来，食咗个精美四小拼，虾苗紫菜甜甜地几抵赞，猪蹄冻就一旧旧，仲有豆腐同笋。然后点咗铁板盐焗蛏子，一开始唔识食，以为就咁剥开食，仲谂住自己叫错，可能清蒸仲鲜，后来发现系点盐食，唔错！上菜都几快，另外叫咗碟参巴爆蛏肉，参巴酱配蛏子味道非常惹味！兴化炒米粉配辣妈酱又系个真心的惊喜，辣酱好有东南亚风味，同幼细烟韧嘅米粉好配搭！紫菜扁肉汤扁肉配上微酸既汤底，清清地又饮咗一碗啦~每碟分量好够，两个人以为细细碟最后就点咗三人份量啦。最后最后，真心推介前菜，真心对坐低个前菜依依不舍！