影片
更多
2023-04-29
92 浏览
第一次写食评，今次真系要推介下呢间。今晚朋友book咗太子一间新cafe，一去到门口已经feel到好舒服，餐厅主要以木色为主，黄色灯光，令人有种好放松嘅感觉，为邪恶嘅一周带来一丝安慰，系一个感觉可以坐一日嘅净土。(但听讲好多人排队食，想去记得book位)言归正传，讲返野食。朋友大力推介玫瑰蜜糖鸡翼同薯条。收工又有啲饿，所以我哋一坐低，二话都说就嗌咗两个小食先。个薯条本身谂住咪又系薯条，有咩特别先，黑松露薯条就系咪都好食嫁喇。但点知佢又有啲惊喜㖞，佢唔系平时见开𠮶啲M 记薯条，亦都唔系𠮶啲粗薯条，而系好似薯板咁，咩系薯板？就系一块板咁样嘅薯仔。好似人地打板球𠮶啲拍咁。我都唔知点形容，但就系正，比平时嘅粗薯更正。热辣辣，食晒先醒起要影相。must try!玫瑰蜜糖鸡翼，平时少见啲嘅鸡翼口味，上枱时立立令，上面有啲花瓣，个样劲吸引！(虽然𠮶啲花点睇都唔似玫瑰花😂)又系食完先醒起要影。欣赏每样野都热辣辣出现，令人食得好感恩。虽然系蜜糖，但佢并唔系死甜嘅蜜糖鸡翼，少甜得嚟有一股花嘅清香。好食！食完啲小食，追加埋main同drinks。嗌咗卡邦尼同肉酱意，讲到啲名好低级咁😂但好似话要分一间舖啲意粉
今晚朋友book咗太子一间新cafe，一去到门口已经feel到好舒服，餐厅主要以木色为主，黄色灯光，令人有种好放松嘅感觉，为邪恶嘅一周带来一丝安慰，系一个感觉可以坐一日嘅净土。(但听讲好多人排队食，想去记得book位)
言归正传，讲返野食。朋友大力推介玫瑰蜜糖鸡翼同薯条。收工又有啲饿，所以我哋一坐低，二话都说就嗌咗两个小食先。
个薯条本身谂住咪又系薯条，有咩特别先，黑松露薯条就系咪都好食嫁喇。但点知佢又有啲惊喜㖞，佢唔系平时见开𠮶啲M 记薯条，亦都唔系𠮶啲粗薯条，而系好似薯板咁，咩系薯板？就系一块板咁样嘅薯仔。好似人地打板球𠮶啲拍咁。我都唔知点形容，但就系正，比平时嘅粗薯更正。热辣辣，食晒先醒起要影相。must try!
玫瑰蜜糖鸡翼，平时少见啲嘅鸡翼口味，上枱时立立令，上面有啲花瓣，个样劲吸引！(虽然𠮶啲花点睇都唔似玫瑰花😂)又系食完先醒起要影。欣赏每样野都热辣辣出现，令人食得好感恩。虽然系蜜糖，但佢并唔系死甜嘅蜜糖鸡翼，少甜得嚟有一股花嘅清香。好食！
食完啲小食，追加埋main同drinks。嗌咗卡邦尼同肉酱意，讲到啲名好低级咁😂但好似话要分一间舖啲意粉得唔得就系要食啲最basic嘅野。两碟意粉都系啱啱好，al dente，very nice。卡邦尼嘅烟肉煎得劲香脆又够多，creamy，好食。肉酱意，怀疑啲肉唔洗钱咁，劲多。简单但令人满足嘅两个意粉。
仲嗌咗menu上面无写嘅封门柳，佢净系系门口个牌写咗，入面menu系无。千祈！唔好错过！真系好好食！！！！错过咗建议book枱下次再食！封门柳肉味本身够浓，比5成生少少，如果怕生怕有菌可能就要order时讲声。但我十分满意呢个生熟度，肉质柔软，仲有炭烧嘅味道，估唔到一间小小cafe可以做到呢个水准，比出面有啲西餐啲扒更好吃！重点系，都只系150几！Must嗌！嗌廿次！
听讲甜品都系呢度好出名嘅其中一个主因。听闻有自家制布甸，但今晚6点几去到已经售罄了😢唯有下次再战！今次食咗唯一未卖晒嘅巴斯克。目测佢并唔系流心巴斯克，但食落系十分柔软，香浓绵密，表面焦香。好好食。怀疑紧呢度有无野唔好食。
Drinks方面，去cafe系理应饮啡，但夜晚想训教，所以就嗌咗培茶latte，再嗌多咗杯热朱。下次日头去再试啡。培茶latte茶味浓，唔会奶味盖过茶味，优秀！今次饮冻，热嘅应该更香。朱奶，花拉得唔错。但本身对热朱要求甚高，喜欢更浓郁嘅pure热朱，呢杯都好饮，但未到好浓。
整体嚟讲，成餐都十分满意！无咩可以挑剔。店员好亲切有爱，食物好食，环境虽小但够cozy，亦都因为小，所以唔会好嘈。系一个收咗工之后同朋友倾下计食个饭，治愈下心灵嘅一片净土。
黑松露薯条
0 浏览
0 赞好
0 留言
玫瑰蜜糖鸡翼
5 浏览
0 赞好
0 留言
肉酱意粉
4 浏览
0 赞好
0 留言
卡邦尼
8 浏览
0 赞好
0 留言
热朱
7 浏览
0 赞好
0 留言
培茶latte
6 浏览
0 赞好
0 留言
巴斯克
6 浏览
0 赞好
0 留言
My drawing
9 浏览
0 赞好
0 留言
张贴
