第三站

同个岩岩返香港嘅朋友谂住食饭，去开MK行街，就谂住揾吓啲楼上cafe倾吓计。都见到地方干净整齐，安安静静就入咗去。个set dinner 都多野选择，我就叫左黑松露带子鲜菌烩意大利饭，朋友叫咗个烟三文鱼惹菌忌廉绘阔条面。初头会以为好似其他楼上Cafe细细碟，所以都加咗钱加沙律同埋蛋糕。估唔到一上菜，都几大份。意大利饭嘅黑松露味好浓郁，加埋带子鲜味十足。意大利饭好难煮得好食，一系就会好生好硬，一系就淋pat pat, 呢一份都唔会好生或过熟。加埋芝士真系好好味，虽然咸咗啲。朋友嘅烟三文鱼阔条面都好足料好多块三文鱼。加埋忌廉同三文鱼，配合得好香浓好好味。朋友点左神仙呢款花茶，有苿莉花，柠檬草杞子，桂圆肉。朋友share咗俾我饮，本身都怕花茶有草青味，但呢杯都唔会，反而清甜带有花香，都可以解解啱啱食忌廉芝士嘅油腻感。我嗌嘅士多啤梨乳酪，都唔会好甜，加埋cream好啱打卡。最后加嘅new York cheese cake 都唔错，口感有啲硬，但系好食嘅，presentation 都几靓环境都好舒服，唔经唔觉倾咗两个钟，好唔舍得朋友又要返英国啦⋯⋯如果大家想揾好食又方便倾计，黎呢到就岩啦