L'AMOUR

朋友介绍呢间法国菜，放工同老公试下，果然卖相同食物都非常高质。我哋叫咗6 courses，老公饮苹果cocktail ，我饮红酒。巴马火腿果仁沙律卖相好靓，巴马火腿整成一朵花，配上青瓜丝沙律菜和果仁非常清新。牛筋野菌忌廉浓汤好钟意呢个汤，入口顺滑，带有香浓菇味，食到菇粒，好足料，浓郁可口，真系非常正。加上牛肝菌，个汤好有层次，贵餐厅先有。自家制腩花蟹饼蟹饼系西餐常见嘅头盘菜式，卖相一流，表面炸得香脆，内𥚃充满柔软的蟹肉，好清新开胃。慢煮西班牙黑毛猪鞍焦糖苹果猪鞍厚身，煎得好香，我个块有少少韧。老公个块就肉质弹牙juicy，唔多酱汁但尝到肉本身味道。钟意配上苹果蓉，好清新唔腻。比利时朱古力心太软本身已经十成饱，但呢个甜品难以抗拒。朱古力香浓但唔会太甜，口感绵密，入口即化，非常喜欢。完美的一餐。