茹絲葵牛排餐廳

行完K11 Musea，想食牛扒，不过𠮶度冇正宗扒房，所以嚟咗呢度。Last minute打电话黎book位，接线员要求只可以用英语沟通，同佢讲想话book今晚，跟住佢就即刻hold咗电话一阵，之后话7:00pm四位冇问题，不过个半钟头后要还枱，谂咗几秒钟，想同佢confirm，佢又即刻hold住左电话，等咗一阵佢先翻返嚟，同佢confirm个booking，不过接线员咁样嘅态度，印象麻麻，有啲忧虑。尖沙咀中心系冇停车场，要泊车要喺附近其他大厦揾，有啲唔系太方便。准时去到，有好多空枱，成晚都系得几枱人，唔知点解要讲明限时个半钟用餐⋯⋯ 以前去开金钟𠮶间，第一次嚟尖东呢一间，环境气氛都差唔多，不过呢度大间啲开阳啲，冇金钟𠮶间咁cozy，四个人安排坐卡位，服务员态度有善，亦都一一解答到我哋嘅问题，好快就决定咗食啲乜。Oyster Rockefeller 焗得好香好味，啱晒唔钟意食生嘢但系又想食蚝嘅人，Crab cake蟹肉冇腥味，啖啖蟹肉够份量，之后嘅牛扒烧得刚好medium rare，三块Cowboy Ribeye 和一块普通Ribeye好juicy，肉质好靓，上枱时只碟热辣辣仲听到si