秋田刺身日本料理

营业中

休息中

之前同朋友食过秋田浜烧食堂，味道都唔错，于是今次特登黎试佢旗下另一间专食omakase既日本料理餐厅。去到先知原来两间餐厅只不过系楼上楼下，整体鱼身非常之新鲜肥美，十分高质。✨先付三品前菜分别有萤光鱿鱼、海带同海螺，鱿鱼同海螺食落十分爽口，而海带食落则酸酸地咁，非常开胃。✨沙律✨茶碗蒸茶碗蒸口感十分顺滑，值得一提既系朋友本身唔好食蛋，本身以为可能会换d前菜俾我朋友，点知师傅劲好咁换左个烧扇贝俾佢，份量仲要唔少。✨刺身五品无谂过刺身会有生蚝，生蚝食落十分creamy，而且海水味唔系好重。另外刺身仲有赤贝、油、海胆卷同油甘鱼，味道鲜甜可口。✨寿司六贯每款寿司既鱼生都系厚切，其中炙烧右口鱼边同炙烧拖罗油脂味香浓。较为特别既系最后一道寿司你一个迷你丼饭，有三文鱼子、海胆同蟹肉蟹膏，食完十分满足。✨汤品鱼汤味道鲜甜浓郁，鱼味十足。✨甜品甜品非常丰富，除左有日本蜜瓜同抹茶奶冻之外，仲有得食黑芝麻雪糕。三款甜品都好好食，尤其系个抹茶奶冻，口感十分滑溜，而且抹茶味突出。