喰楽

营业中

休息中

今日同朋友庆祝生日，预早就book好呢间餐厅，第一次食sukiyaki，我哋都好期待我哋拣咗C餐和牛盛宴，一次过品尝赤身和牛及霜降和牛。估唔到前菜已经有惊喜！前菜系三小碟，包括生牛肉寿司，吉列和牛同埋沙律菜。生牛肉寿司卖相已经好吸引，食落口系入口即溶，超正接住店员就递上野菜拼盘，有多款蔬菜，七彩缤纷，卖相好靓。店员亦好细心问我哋有冇唔食嘅菜。好快主角亦都出场，就系呢盘油花超靓嘅牛肉！呢个画面真系靓到不得了，见到都流口水呢盘牛肉真系唔简单，一次过试晒唔同嘅部位，包括肉眼、肩胛心、沙巴当、牛肩、辣椒仔，款款都超高质，非常软嫩，肉味同油脂都好丰富。当然唔少得有白饭同生鸡蛋🥚同牛肉系绝配！全程都由店员为我哋即席烹调，肉类同菜相间咁煮，一面煮嘅同时，一面为我哋介绍唔同款式嘅牛肉，令我哋更专业地品尝美食。之后店员就为我哋煮咗一个湿炒饭，香气十足，食完真系饱到上心口。最后仲有豆腐味雪糕做甜品，好香浓嘅豆味，唔会太甜，清新美味。