金船長餐廳 (已結業)

平时都有黎开金船长到食野，下午茶价格唔贵，但质素都好好，好好食因为平日下午茶时间就冇咩人，所以一入到去就基本上一定有位，今次我同朋友就叫左一个忌廉汁海鲜意粉同一个焗吞拿鱼芝士蒜蓉多士。忌廉汁海鲜意粉我就差唔多次次都叫，因为个汁真系好好食，食极都唔厌。焗吞拿鱼芝士蒜蓉多士就第一次叫，都几好食，下次应该都会再叫。忌廉汁海鲜意粉  $36呢个超级推荐，虽然海鲜款式唔多，都系虾、蚬、鱿鱼，但呢个价格都算唔少料。个汁系重点，超重忌廉味，劲正，我次次都系为左个汁黎食。焗吞拿鱼芝士蒜蓉多士  $38呢个都几多吞拿鱼，同埋应该系即刻焗，黎多果时仲系脆嘅。