欅 居酒屋

营业中

休息中

好耐未去过MegaBox，前两日去开见到新开咗间居酒屋，谂住就咁食吓串烧饮吓嘢倾吓计，估唔到咁都撞到间有惊喜嘅餐厅，每样野食都好高质，再加上自助任饮清酒🍶！正！最吸引就系$188任饮18款清酒，虽然我地完全对清酒冇研究，但佢系出去任斟的，玩吓都觉得开心🤣，试咗几款，个人比较喜欢弥荣鹤 亀の藏舞，唔会太辣，又唔会太甜，岩岩好嘅味道同易入口👍🏻前菜试咗吞拿鱼牛油果沙律配芥末酱（HK$68)，份量都多，芥末酱令到成个味好出同好开胃！自家制木桶豆腐（HK$98)，第一次食一桶蒸嘅豆腐，唔知以为食紧豆腐花🤣，虽然豆腐唔算系好滑嘅feel，但加入咗姜、葱同埋椒盐，味道系唔错！串烧平日有买三送一优惠，我地order咗10串，平均HK$18-$78一串，真心每款都整得好有水准，个人觉得必试 1）豚肉酒盗芝士卷、2）烟肉凡立贝、3）美国牛小排、4）明太子鸡肉，极度推介🤤另外烧三文鱼饭团（HK$42）同柚子胡椒鹅肝烧饭团（HK$98)，两款都热辣辣，烧得好脆身，我地劲喜欢，出色🫶🏻炭火蒲烧原条鳗鱼(HK$268)，以炭火烤住咁上枱，好有气势🤣，鳗鱼肥味脆身，个人建议连埋饭团一齐食最正👍🏻