權記麵食專家

营业中

休息中

喺附近返工，经常都要揾不同嘅地方食午餐。因为想悭钱又想好味道，于是今日走到嚟石塘咀街市试吓同事介绍嘅面档。其实石塘咀街市有唔少嘅熟食摊档，其中有几间生意系特别好，不过今日同事想食面，就坐低咗系呢间面档。我第一次嚟都唔知食边样好，见到个餐牌有两个「手指公」喺云吞同炸酱隔离，于是就随便拣呢两个𩠌，再配粗面。一上枱就觉得好对版：- 炸酱好香，冇肥肉，仲要有冬菇丝- 云吞啱啱好系一口一粒嘅size，鲜虾爽脆，云吞皮又薄又滑- 粗面完全冇枧水味，仲有啲蛋香添呢个两𩠌面$35好好味，唯一要投诉嘅就系份量比较少，我唔使10分钟就食晒，唔系好够喉，下次再试吓其他𩠌先。