牛大人台灣火鍋吃到飽 (加拿芬廣場)

营业中

休息中

牛大人都食过好多次了，食物质素仲保持到高水准，今次一于试最贵嘅日本黑毛和牛😙汤底拣咗期间限定嘅三椒酸菜鲜鱼锅同牛大人秘方麻辣锅，酸菜鱼锅微酸清香几特别，麻辣锅加咗中药熬制，汤头有淡淡嘅中药材味，层次丰富日本黑毛和牛A4+肉质细腻，入口即化😍澳洲M9和牛牛丸弹牙多汁，肉香浓郁，每人得两粒真系太少了🥺赠送嘅海鲜拼盘都好丰富，有鲍鱼、蛏子、带子同生蚝最贵嘅套餐仲可以任食多款唔同煮法嘅鲍鱼，包括古法醉鲍鱼、炭烧盐葱鲍鱼同柚子烧汁鲍鱼，鲍鱼爽口弹牙好新鲜牛大人另一个特色就系台湾地道小食，例如盐酥鸡、甜不辣、小香肠、卤肉饭，自助区仲有好多蔬菜、丸类同粉面，部分配料仲系台湾直送👍🏻