漁屋日本料理 (荃新天地2) (已結業)

以前荃湾放题好出名食渔屋，事隔多年又来试一次，结论系价钱唔平，坐得唔舒服，好似小本经营员工好少，只适合荃湾人食下回忆。估唔到日式放题都有泰式生虾，还可以。酱汁惹味，一客4只，好爽口，配上蒜片同辣椒粒，齿颊留香。亦估唔到有蜜瓜巴马火腿。蜜瓜清淡，火腿似979质素，只有咸味。杂锦刺身方面，绝大多数款式都好过其他放题！特别系红虾比较大只。同埋拖罗真系拖罗，入口即溶，足料。三文鱼肥美，唔似争鲜淡水虹鳟。但可惜嘅系油甘鱼比较令人不解，白肉同红肉分开咁切 有点怪！轮到炸物方面，多春鱼好好味，冇得弹！天妇罗虾都好好味，但系蟹盖似系阿信屋买返嚟嘅鱼肉蟹盖。串烧令我太失望，牛舌根本唔系牛舌，怀疑系猪舌充牛舌，细块唔爽口，无牛味。至于鹅肝多士，我都预咗佢会用鸭肝㗎啦～但好在佢处理手法都算妥当成品几好味。呢度嘅蚬同埋螺都偏大粒，冇沙，好钟意食！羊架薄切，整得唔dry, not bad~最后甜品度，有哈根大师雪条其实几吸引。焦糖炖蛋比较老，蒸过龙。